Hokim: “So‘xni dunyo xaritasidan o‘chiraman!”

Tarmoqda 2 iyun kuni Farg‘ona viloyati hokimi Shuhrat G‘anievniki deya ishonilgan audioyozuv tarqaldi. Unda davlat mulozimi “So‘x tumanini xaritadan o‘chirib qo‘yaman!” deya norozi fuqarolarga dag‘dag‘a qiladi.  

Bundan avval Qirg‘iziston va O‘zbekiston chegarasi hududida suv ustida chiqqan janjal ortidan 1 iyun kuni So‘xga borgan bosh vazir Abdulla Aripovdan G‘anievning iste'fosini talab qilishgan edi.

Davlat xaritasiga o‘zboshimcha chiziq tortmoqchi bo‘lgan mulozimning gaplari tarmoq foydalanuvchilari tomonidan yanada g‘azab bilan qarshi olindi.

“Farg‘ona viloyati hokimi Shuhrat G‘anievning: «Kerak bo‘lsa So‘xni xaritadan ӯchirtirib tashlayman, Tojikiston bilan Qirg‘izistonga beraman», degan gapi agar ӯz tasdig‘ini topsa, u holda davlatni parokanda qilish istagi mavjud bӯlgan Farg‘ona «prezidenti» masalasi yuzasidan Ӯzbekiston prezidenti endilikda uni mukofotlash haqida ӯylashi kerak emas, balki dӯppini boshdan olib, jiddiy, boshqacha ӯylashga majbur bӯlishi shart.

Chunki aniq bir davlat tarkibiga kiradigan hududni boshqa davlatga berib yuborish bilan nafaqat viloyat hokimi G‘aniev, hatto Ӯzbekiston prezidenti Mirziyoev ham tahdid qilishga haqli emas.

Ӯzbekistonning taqdiri yer egasi bӯlmish tub xalq bir chekkada qolib, ӯzingdan chiqqan yovlarga, bir hovuch manmanlarga, ӯzibilarmonlarga, ӯzboshimcha shaxslarga qolgani ayanchli, albatta”, deya yozdi bloger Ro‘ziboy Azimiy.

«Eltuz»ga navbatdagi hajviy suratni jo‘natgan rassom Kirpi esa Farg‘ona hokimini 3-reyx harbiy kaskasida aks ettirdi.  

Eltuz.com