Rassom Tuz: Egilgan o‘zbek haykali haqida

Etnomillatchi avom Xilton mehmonxonasidagi haykalni urkaltak sazoyi qilib ëtibdi. Sababi: Haykaldagi o‘zbek egilib turibdi ekan. Iddao: O‘zbek egilmasmish!

Bu gapni Kaufman etigini o‘pkan, Stalinga sig‘inib, Karimov mozorini yalab-yulqab ëtgan to‘da vakillari aytyapti.»Egilgan boshni qilich kesmas, » degan maqol mansubi bo‘lganlar aytayapti. To‘ylarda kelinlarga «Egilib, bukilib salom» berdiradigan demode urodlar aytmoqda. Salimboy kavushini tozalab, egilib turishni sharaf deb biladiganlar aytmoqda.

Ularga haykalga «do‘ppi» kiydirilgani ëqmabdi. Birinchidan bunday do‘ppini tojiklar ham kiyadi. Chust aholisi aksar tojik. Millatga nomi berilgan qo‘ng‘irot, mang‘it ëki boshqa o‘zbeklar gulli gilam do‘ppi kiygan.

Bu johillar haykaltaroshlik san'ati nimaligidan bexabar. Dunë ilmidan mosuvo qolib maktabda inshodan besh olgan soxta ziëlilar.

Jimish!!! Tek o‘tirish!!! San'at asariga osilishma. Basharang qiyshiq bo‘lsa ko‘zgudan o‘pkalashma, ipirisqilar.

Dunëga qul yetkazib beruvchi rekord qirganlarning surati egilgan odam shaklida bo‘ladi. Yaqinda bir kelin ajrashib qaytib keldi. Umraga borib kelgan qaynona har kuni oëg‘ini o‘ptirganidan bezor bo‘lib qaytib keldi.

Oëq o‘pish, etak o‘pish, patinka yalash, tiz cho‘kish, to‘nqayishdan boshqa bir ishga keyingi 200 yilda yaramagan to‘daga jim turish yarashadi.

Narxing shu! Boring, koring shu!!! O‘zim – kal, ko‘nglim – nozik deganing bilan majruhlik kompleksidan tuzalib ketishmaysan.

Dilpuzni aytishicha, Xilton mehmonxonasida kimdir egilib turgan dekorativ haykalga prikol uchun do‘ppi kiydirib, rasmga olib, do‘stlariga jo‘natgan. Keyin esa Bobojonovning mirshablari kosmik tezlikda harakat qiib «jinoyatchi hazilkash», ni topib, 15 sutkaga qamashibdi.

Bu «jazo» – sudlov tizimida ishlaydigan vaqtida pora bilan o‘qishga kirgan huquqiy savodsiz jinni sudyalar uchun diganoz.

Tarmoq shovqinidan qo‘rqib, talmovsirab qolgan Ichki ishlar tizimi uchun esa – sharmandalik.
Yangi O‘zbekiston peshtoqiga «jinnixona» deb ësa biram yarashib turadi.

Rassom Tuz