Muzlatilgan mablag‘ hajmi 985 million dollarga yetdi

2016 yilning iyulida Amsterdam sudi Takilant ofshor kompaniyasining Ucell mobil operatoridagi 135 million AQSh dollariga baholangan 6 foiz ulushini musodara qilishga qaror berdi.

Musodara qilishga asos, bu ulushning Gulnora Karimova tomonidan pora sifatida olinganidir.

Shunday qilib, yevropa mamlakatlarida Gulnora Karimova dohil korruptsiya ishi bo‘yicha muzlatilgan mablag‘ hajmi 985 million AQSh dollariga yetdi.

985 million qaerdan keldi?

Bu uchta xalqaro mobil operatorining O‘zbekistonda biznes qilishga radiochastotalar va litsenziya olishda Gulnora Karimovaning ko‘magi uchun berilgan poraning umumiy hajmidir.

Bu kompaniyalar Gibraltar va Gongkongda Gulnora Karimovaning odamlari nomiga ochilgan ofshor shirkatlari hisobiga pul o‘tkazishgan.

Gibraltardagi Takilant shirkati Gulnora Karimovning shaxsiy yordamchisi bo‘lgan Gayana Avakyan nomiga qayd etilgan.

Korruptsion sxema qanday ishladi?

Mobil operatorlar Karimova nazoratidagi shirkatlarga ramziy summadagi pulni o‘tkazishgan. Bu shirkatlar o‘z navbatida, O‘zbekistonda biznes yuritish huquqini qo‘lga kiritishgan, keyin ayni shirkat aktsiyalarini ofshor firmalari orqali katta miqdordagi pullarga harid qilishgan.

O‘zbekiston telekommunikatsiya sektoridagi korruptsiya ishi haqida bu yerda batafsil o‘qing.

Eltuz.com