O‘zbek sanoati bosqinchi Rossiya uchun ishlamoqda

Buning oqibati voy bo‘ladi. O‘zbekistondagi “Foton” aktsiyadorlik jamiyati va uning rahbari Ma'rifxo‘ja Saydumarov bosqinchi Rossiya uchun «ter to‘kkani bois» Ukrainaning sanktsiya ro‘yxatiga kiritildi.

Ukraina Milliy Xavfsizlik va Mudofaa kengashi tavsiyasiga ko‘ra prezident Vladimir Zelenskiy tomonidan 7 dekabr kuni bu haqdagi farmon imzolandi.

Mazkur ro‘yxatga kiritilganlarning Ukraina hududidagi aktivlari muzlatiladi, litsenziyalari bekor qilinadi, ular bilan savdo operatsiyalari, shuningdek, ularning mamlakat hududidan o‘tishi (tranzit) 10 yilga cheklanadi hamda boshqa taqiqlar joriy etiladi.

Sakson yildan buyon faoliyat ko‘rsatib kelayotgan “Foton” elektronika zavodi aktsiyalarining 85 foizdan ko‘prog‘iga davlat egalik qiladi.
Bu degani O‘zbekiston davlati o‘ris bosqinchiga yelpatak bo‘lmoqda degan mazmun beradi¸

Zavodda 30 dan ziyod yarimo‘tkazgichli mahsulot va mikrosxemalar, changyutgich, televizor, nazorat-kassa apparatlari va boshqa mahsulotlar ishlab chiqariladi.

Uch yil muqaddam “O‘zeltexsanoat” zavod aktsiyalarining davlatga tegishli qismini rossiyalik sarmoyadorga taklif qilgani ma'lum.

“Foton” AJ Ukraina sanktsiyasiga yo‘liqqan O‘zbekistondagi korxonalarining birinchisi emas. Noyabr oyida Kiev rasmiylari Akkermann Cement CA va “Ohangarontsement” AJ, shuningdek, O‘zbekiston fuqarosi bo‘lgan ikki jismoniy shaxsni sanktsiya ro‘yxatiga kiritishgan.

«O‘zbek boshqaruv elitasi o‘ris qabohati bilan qo‘shilib aspilasopinga ketaversin. Ammo ularning bu qilmishi davlat ustunlarini silkitmasin», deya izohladi rassom Tuz voqeani o‘zining feysbukdagi sahifasida.