Konsul Shvetsiyadagi o‘zbeklarni nazoratga olmoqchi (video)

4 dekabr kuni Shvetsiyaning Stokholm shahrida O‘zbekistonning Germaniyadagi konsuli Azimjon Ozodov o‘zbek migrantlari bilan uchrashdi.

Konsulning gapidan O‘zbekiston hukumatining Shvetsiyadagi o‘zbeklarni nazoratda ushlash istagi anglashildi.

«O‘zbeklar Shvetsiyaga kelib o‘zboshimcha ishlar qilishiga yo‘l qo‘yilmaydi», dedi u.

Konsul bu yuzadan 5 dekabrda shved rasmiylari bilan ham uchrashuvi belgilanganini aytdi.

Shvetsiyada o‘zbek elchixonasi yo‘q. Shvetsiya o‘zbeklar uchun Yevropadagi boshqa davlatlarga qaraganda ham bordi-keldi qilish qiyin bir davlat. Biroq bugungi kunda bu mamlakatda 10 mingdan ziyod o‘zbek iqomat huquqini olgan.

Norasmiy ruhda o‘tgan bu tadbir keyingi o‘n yillikda o‘zbek diplomatining Shvetsiyadagi o‘zbek muhojirlari bilan o‘tkazgan ilk uchrashuvidir. Unga Shvetsiyadagi o‘zbek tadbirkori, Euroasia AB shirkati rahbari Muzaffar Hojimatov mezbonlik qildi.

Biroq u ijaraga olgan Scandic mehmonxonasining 700 kishilik zaliga sanoqli 50 tacha odam yig‘ildi.

Video: https://youtu.be/nHU4ki2441A

Eltuz.com

Adolatni Uchqo‘rg‘ondan ko‘rsatgan sud tizimi – 2

O‘zbekistondagi sud tizimi nega reforma qilinishi kerakligi haqida boshlab qo‘ygan mavzuni davom ettiramiz. Videolavhaning birinchi qismi havolasi tasvir ostidagi birinchi komentda. Vakolatsiz odam nega ariza ëzadi? Bu xolatdaki paradoks shuki qonunga ko‘ra mutloqo vakolati bo‘lmagan shaxs (Sayfuddinov Sardor) nomidan Bosh prokuraturaga shikoyat ariza tashkillashtirilgan. Davlat ulushi bo‘lmagan tadbirkorlik sub'ekti(aktsionerlik jamiyati) ga nisbatan tadbirkorliksub'ektlarini himoya qiluvchi qonunlar, Prezident qarorlari va farmonlariga zid ravishda tekshirishlar tashkillashtirishib, dastlabki tergov harakatlarini olib borishib, oqibatda 19 nafar (shundan 14 nafari 6 oydan ortiq muddat mobaynida qamoqda saqlanmoqda) malakali mutaxassislar va boshqa ishchilarni jinoiy javobgarlikka tortishgan. .Shamsiddinov va uning qarindosh (“buyurtma jinoyat ishi”ga mutloqo aloqasi bo‘lmagan) larning oddiy qo‘ltaqinchog‘idan tortib, avtomashinasigacha; fermer ho‘jaligi binosidan tortib, turar joyigacha; qonuniy tadbirkorlik sub'ektlarigacha xatlab tashlashgan. ...