Turkmaniston prezidentining kuyovi 1 million dollarlik soatlarni qaerdan olgan?

Turkmaniston prezidentining kuyovi, 28 yoshli Ibabekir Bekdurdiev (Guga) 1 million dollardan ortiq narxdagi qo‘l soatlari taqadi.

Ularni taqib, o‘zining instagram sahifasida maqtanadi.

«Bu faqat bizning baholay olganimiz, xolos», deydi Guganing soatlari narxi yuzasidan surishtiruv o‘tkazgan ATN (Alternative Turkmenistan News) nashri jurnalistik guruhi.

Turkmaniston prezidenti Gurbanguli Berdimuhammedov 26 yanvar kuni hukumat yig‘ilishida «Men hech kimning xalq pulini o‘g‘irlashiga, xalq hisobidan boyishiga yo‘l bermayman!» deya bayonot bergan edi.

Biroq haqiqatan shundaymi? Agar Berdimuhammedov hech kimning xalq hisobidan boyishiga yo‘l bermayotgani rost bo‘lsa, u holda bu qimmatbaho soatlarni prezidentning arzanda kuyovi qaerdan olgan?

«Eltuz» nashri ATN izni bilan prezident kuyovining soatlari haqidagi videoni o‘zbekchaga o‘girdi.

Video: https://youtu.be/2rY0tZsH2nY

Eltuz.com