Qovchin qishlog‘ining xarob tibbiyot punkti

«Eltuz»ga qashqadaryolik fuqaro jo‘natgan videoda G‘uzor tumani Qovchin qishlog‘i tibbiyot punkti binosining xarob ahvoli aks etgan.

Qishloq tibbiyot punkti Qashqadaryo viloyati markazidan 25 km uzoqlikda, Qarshi-Shahrisabz yo‘lida joylashgan. Binoda dorixona, tez yordam va oilaviy poliklinika bo‘limlari mavjud.

G‘uzorlik fuqaro binoni ta'mirlash “Obod qishloq” dasturiga kiritilgani, biroq boshlangan ishlar to‘xtatilganini aytadi.

Binoda antisanitariya hukmron. Deraza oynalari siniq. Quvurlar chirigan. Bino tomi nuray boshlagan va shifer qilinmagan.

Eltuz.com