Qovun saylida qovun tushirgan rahbarlar

Xorazm viloyatining Xiva shahrida 12-13 avgust kunlari qovun sayli bo‘lib o‘tdi.

Xorazm viloyati qovun va tarvuz eksporti bo‘yicha 1-o‘rinda bormoqda. 2021 yilning dastlabki 6 oyi davomida O‘zbekiston qiymati 7,4 mln $ bo‘lgan qariyb 23 ming tonna qovun va tarvuz eksport qilgan.

 Shundan 4,5 ming tonnasi Xorazm viloyati hissasiga to‘g‘ri keladi. Bu respublikada eng yuqori ko‘rsatkich.

Xorazm bozorlariida ayni paytda bir kilogram o‘rtacha qovunning narxi 2000-3000 so‘m o‘rtasida. Biroq qovun sayli kuni ko‘rgazmaga qo‘yilgan qovunlar sotilmagan va narxi belgilanmagan.

«Qovunlar faqat ko‘rgazmaga qo‘yilgan, tadbir o‘tganidan keyin sotilishini aytishdi» dedi qovun sayliga borgan Eltuz mobil muxbiri.

Ayni paytda bu tadbir uchun Xalq ta'limi xodimlari, maktab va bog‘sa direktorlari orqali pul yig‘ilgani yuzasidan Eltuzga shikoyatlar kelmoqda. Xorazm viloyati Hazorasp tumanidan murojaat qilayotgan maktab va bog‘cha rahbarlarining keti uzilmayapti.

Xiva shahrida 12-13 avgust kunlari o‘tkaziladigan an'anaviy “Qovun sayli”ga maktab va bog‘cha direktorlaridan pul yig‘ildi.

Bog‘chalardan 700 ming so‘mdan yig‘ilib, pulni shu tumandagi 1-son MTT direktori Intizor bo‘lim boshlig‘i Sherzod Axmedovga berilgan.

Boshqarma boshlig‘i eng ishongan bo‘lim boshliqlari orqali shunday mablag‘ni to‘plagan.

“Nahotki, viloyat hokimligi tomonidan ushbu tadbir uchun mablag‘ ajratilmagan,  qachongacha maktab va bog‘cha sponsor bo‘laveradi?” deya shikoyat qildi 700 ming so‘m to‘laganlardan biri.

Qovunni hokim yeydi, kaltakni yetim. Xivada ko‘rgazmaga qo‘yilgan qovunlar esa ertasigayoq xomtalash bo‘ldi dedi eltuz mobil muxbiri.

Eltuz O‘zbekistondan bo‘layotgan voqealarni yoritishda davom etadi.