Boyovut IIB mulozimi o‘z xodimini eshak va cho‘chqa deb so‘kdi

Boyovut Ichki ishlar idorasi boshlig‘i o‘rinbosari profilaktika inspektorini noinsof, iflos, eshshak, cho‘chqa deya haqorat qildi.

Qadrli muhlislar bugun 8 noyabr Eltuz o‘zining kundalik ko‘rsatuvlarini davom ettiradi.

Sirdaryo viloyati Boyovut tumani IIB ma'naviy va ma'rifiy ishlari bo‘yicha o‘rinbosari podpolkovnik Aziz Saidovning 7 noyabr kuni o‘z xodimiga qilgan muomala madaniyati aks etgan videosi Eltuzga yetib keldi.

Unda o‘z Aziz Saidov o‘z qo‘li ostidagi profilaktika inspektori Qarshiboevni eshak, cho‘chqa deya ataydi. Bu iboralarini Saidov tumanning Anorzor mahallasida turib, hokim yordamchisi guvohligida ifoda etadi. U shuningdek, telefon orqali profilaktika inspektoriga murojaat etib, ayni mahallada xizmatni boshladim deb yolg‘on gapirgani, uning bu yerda arvohiniyam ko‘rmaganini pisanda qiladi.

Ayni paytda profilaktika inspektori Qarshiboevning yaqinlari buni tarmoqda Aziz Saidovning «Iftixor» MFYning Obloqul boboning fermer xo‘jaligidagi yer maydonida yetishtirgan mosh o‘rimida qatnashmagani uchun qasd olishi deya hisoblamoqda.

“Bunaqangi jirkanch muomila qilib profilaktika ispektori Qarshiboevdan yana 2 qop makka jo‘xori olish umididami? Tovuqlariga don kerak bo‘lganmi yoki uyida kartoshka va piyoz tugaganmi?  Xodimlarni so‘kib, jerkib, sha'niga tegib xaqorat qilishlarga kim vakolat bergan?” deya yozishmoqda profilaktika noziri yaqinlari tarmoqda.

Eltuz Sirdaryo viloyati Boyovut tumani IIB ma'naviy va ma'rifiy ishlari bo‘yicha o‘rinbosari podpolkovnik Aziz Saidov va ayni idoradagi profilaktika inspektori Qarshiboev o‘rtasida yuz bergan ziddiyatlar tafsilotlarini o‘rganishga harakat qiladi. Kanalimizga obuna bo‘ling, videolarimizga layk bosing.