Bolasini sotmoqchi bo‘lgan o‘zbekni jalablikka majburlashdi

Istanbulning Esenyurt tumanida fohishalikka majburlangan va homilador bo‘lganidan keyin farzandi sotilishini bilib, dori ichib homilasini tushirgan o‘zbekistonlik ayol kaltaklandi. 

Rejalari amalga oshmagani uchun jahllari chiqqan odam tujjorlari ayolni kaltaklaganlar.

Hujumchilar o‘sha lahzalarni mobil telefonlari bilan yozib olishgan. 

Esenyurtda fohishalikka majburlangan o‘zbekistonlik ayolning ismi Muxlisaxon Karimovadir. 

Tasvirlarni olgan Karimova politsiyaga borib, ariza bilan murojaat qilgan. Farzandi homilasini hojatxonaga tashlagani aniqlangan Karimova hibsga olingan, qolgan 2 gumonlanuvchini qo‘lga olish ishlari davom etmoqda.

Voqea o‘tgan kuni Esenyurtda sodir bo‘lgan. O‘zbekistonlik Muxlisaxon Karimova politsiyaga borib, Yunus Emre D. bilan yana bir shaxs uni fohishalikka majburlab, pasportini tortib olganini aytib,  ariza bilan murojaat qilgan. 

Karimova dalil sifatida Yunus Emre D. tomonidan kaltaklangani va xabar almashish platformasida tarqatilgan tasvirini taqdim etgan. 

Politsiya Karimovaning dori ichib abort qilgani va bolani Avjilar mintaqasidagi mehmonxonada hojatxonaga tashlaganini aniqlagan. 

Gumondor Yunus Emre D. va uning yonidagi shaxsni ushlash uchun ish boshlangan.

Ma'lum bo‘lishicha, Karimova O‘zbekistonda farzandli bo‘lishni istagan Soner ismli yigit bilan tanishganini aytgan. Sonerning “kel, mendan farzandli bo‘l, evaziga senga uy beraman” degan va'dasiga ishongan Muxlisaxon Turkiyaga kelganini aytgan . 

Ayol Turkiyaga kelganidan keyin Sonerdan homilador bo‘lib, ular bir muddat bir uyda qolishgan. Biroq Sonerning tazyiqlariga chiday olmay Muxlisaxon Karimova uydan qochgan. U dastlab Fotihda ish topib ishlay boshlagan. U yerda birga ishlagan ayoldan farzandini sotishda yordam berishni so‘ragan. Ayol yordam bermasligini tushungan Muxlisaxon ishini tashlagan va Esenyurt tumaniga borib, u yerda Yunus Emre D. bilan tanishgan.

Yunus Emre D. va uning sherigi Muxlisaxondan pasportini tortib olib,  o‘zini fohishalikka majburlaganlar. Ular Karimova qornidagi bolani ham sotishlarini aytganlar. 

Xullas, bola tug‘ib, uyli bo‘laman deya orzu qilgan o‘zbekistonlik Muxlisaxon qamoqda, uni fohishalikka majburlaganlar esa qidirilmoqda.