Xivada yana bir YuNYeSKO yodgorligi buzib yo‘q qilindi

Xiva shahar “Ichan-qal'a” mahallasidagi “Bo‘yoqchilar” ko‘chasi “Xevaq qudug‘i” nomli 107-ob'ektda qurilish ishlari haliyam davom etyapti. Xiva shahar kadastr agentligi “Xevaq qudug‘i”dagi noqonuniy qurilayotgan bu bino va inshootlar haqida haligacha hech qanday bayonot bermagan.

Insayderlar Eltuzga taqdim etgan ma'lumotga ko‘ra, Ichan-qal'a” qo‘riqxonasi direktori va hozirgi kunda deputat Rustam qo‘lida “Xevaq qudug‘i”ga tegishli noqonuniy 2 ta har xil xujjat bor – bir hujjat “Xevaq qudug‘i” ob'ektini qayta restavratsiya qilish to‘g‘risidagi ruxsatnoma, boshqa hujjatda noqonuniy qurilishlarga “fortochka” ochilgan.

“Ichan-qal'a” qo‘riqxonasining Alisher Ismoilov boshchiligida ushbu noqonuniy qurilish ishlari davom etar ekan mahalliy aholining noroziligi ortmoqda. Yunesko ro‘yxatidagi tarixiy ob'ektda har qanday o‘zboshimcha qurilish oqibati ayanchli bo‘lishi muqarrar.

O‘zbekiston Respublikasidagi Yunesko va Butunjahon Yunesko tashkilotlari tarixiy ob'ekt bo‘lgan Ichan-qal'a hududidagi noqonuniy qurilishdan xabardormi? Xiva shahar hokimligi, “Ichan-qal'a” qo‘riqxonasi direktoridan vaziyat haqida tafsilotli bayonot kutamiz.