Islom tsivilizatsiya markazida yong‘in yuz berdi

Toshkent shahrida qurilayotgan Hasti Imom majmuasida joylashgan Islom tsivilizatsiya markazi binosida yong‘in sodir bo‘ldi.

FVVvazirligiga ko‘ra, 19 avgust kuni  soat 11 larda Toshkent shahar Olmazor tumani Zarqaynar ko‘chasida joylashgan Islom tsivilizatsiya markazi hududida  yong‘in sodir bo‘layotgani haqida xabar kelib tushgan.

Shu kuni Buxoro shahridagi tarixiy Minorai Kalon imorati yaqinidagi oshxonada ham yong‘in sodir bo‘lgan. Alanga 1 soat davomida o‘chirilgan. Tan jarohati olganlar haqida ma'lumot yo‘q. Minorai Kalonga shikast yetmagani aytilmoqda.

Xabarga ko‘ra, Xasti Imomdagi yong‘in markaz binosining tom qismida izolyatsiya qoplamalarini yotqizish paytida  texnologik jarayonning buzilishi oqibatida kelib chiqqan. Yong‘in manzilda navbatchilikda turgan va boshqa yordamga etib borgan yong‘in qutqaruv ekipajlari tomonidan o‘rab olingan va soat 11.34 da o‘chirilgan.

Yong‘in natijasida odamlar jabrlanmagani va binoning ichki qismiga zarar yetmagani aytilmoqda. Yong‘in oqibatida binoning tom qismida 19 kvadrat metr maydondagi qoplama materiallari yonib ketgan.

Ma'lumot uchun, 2019 yilda ham ushbu markazda yong‘in kelib chiqqan edi.

Eltuz kun davomida O‘zbekistonda yuz berayotgan oid voqea va hodisalarni yoritishda davom etadi. Kanalga obuna bo‘ling. Video yuzasidan izohlar qoldiring.