Camarqandda YPX og‘ir bemorni olib ketayotgan tez yordam mashinasini to‘xtatdi

Samarqand shahrida 12 dekabr kuni og‘ir ahvoldagi bemorni olib ketayotgan tez tibbiy yordam avtomobili YPX xodimlari tomonidan to‘xtatilgani Eltuzga ma'lum qilindi.

Ma'lumotlarga ko‘ra, mazkur harakat YPX boshlig‘i Obid Sharipov Obid buyrug‘i asosida amalga oshirilgan. Hodisa vaqtida YPX xodimi “buyruqni bajaryapman” deya izoh bergan. Uning ta'kidlashicha, IIB binosida yig‘ilish bo‘layotgani sababli tez tibbiy yordam mashinasida ovoz chiqargichdan foydalanmaslik talab qilingan.

Aholi e'tiroziga ko‘ra, bunday talab og‘ir bemor hayotini xavf ostiga qo‘yadi. Chunki tez tibbiy yordam mashinalari sababsiz shoshilmaydi, har bir daqiqa inson hayoti uchun hal qiluvchi ahamiyatga ega.

Mazkur holat yuzasidan Ichki ishlar vaziri Aziz Anvarovich va Samarqand viloyati IIB boshlig‘i Aripov Tohirga murojaat qilingan. Murojaatda tez tibbiy yordam faoliyatiga to‘sqinlik qilishga yo‘l qo‘ygan rahbarlar faoliyatiga huquqiy va xizmat tekshiruvi o‘tkazish so‘ralgan.

Jamoatchilik tez tibbiy yordam mashinalariga ustuvor yo‘l huquqi ta'minlanishi, inson hayoti har qanday ma'muriy tadbir yoki yig‘ilishdan ustun qo‘yilishi shartligini ta'kidlamoqda.