Qumqo‘rg‘onlik xotin mast erini belkurak bilan urib o‘ldirdi

Qumqo‘rg‘onda 38 yashar xotin G. O.  mast erini belkurak bilan urib o‘ldirdi. Erkak uydagi og‘ilxonada boqilgan uloqni sotib,  pulni ichib kayf qilib yuborgan. 

Xotin esa shu uloqni sotib puliga uch bolasi uchun zarur ust-bosh olmoqchi edi.

«Yo‘qchilik qursin.  2017 yilda turmush qurdik.  Erim g‘irt aroqxo‘r alkash chiqdi. Uch bolaning ehtiyojiga pul topay deb tinmay harakatdaman» – deydi ayol. 

Lekin uning eri uloqni sotib pulini ichib boshlagan.  Uch bolasini bozorga yetaklab borgan xotin erini shirakayf ahvolda ko‘rdi,  so‘ng indamay bolalari bilan ortiga qaytib ketdi. 

Uyga shirakayf qaytgan erini ko‘rgan xotin chidab turolmadi.  Orada janjal chiqib xotin hovlidagi belkurak bilan erning boshiga bir urib o‘ldirib qo‘ydi. 

Qumqo‘rg‘on tuman sudi uni 7 yilga ozodlikdan mahrum qildi.

Er go‘rda, xotin qamag‘da.