Kun latifasi: Qish kunlarining birida…

Qishning anomal sovuq bir kunida katta bir amaldor deputat chekka bir qishloqqa borib, yurt qashshoqlari bilan uchrashib, ularga maqtana ketibdi. Biz Xalq uchun hamma sharoitni yaratamiz! Raketalarimiz koinotni zabt qiladi, Amerikadan yuz millionga samoletlar, vertoletlar sotib olamiz, Shovvozsoyda akvadiskoteka, Samarqandda zamburug‘simon villa, Xivada lyuks hammomli, unitazi tilladan qilingan otel quriladi!

Shunda bir oqsoqol g‘azablanib qichqira boshlabdi: — Oltin unitazing o‘zingga siylov, qishloqqa svet bilan gaz qachon keladi?

Amaldor bir oz o‘ylanib turib, sherigiga qarab debdi: — Mana ko‘rdingmi? Xalqimizning dunyoqarashi shunaqa tor! Biz Oyga chiqishni reja qilyapmiz, bular bo‘lsa haliyam o‘sha o‘tgan asrdayoq ko‘tarasiga chetga sotib yuborilgan gaz bilan svetni o‘ylab yurishibdi!