Одам гавжум жойларда гумонингиз кимдан?

Эндиликда Ўзбекистонда айғоқчилик қилиш учун СНБа ёлланиш шартмас, аҳоли кўп тўпланган жойларда бирор одамнинг давлатга қаршилигидан гумонингиз бўлса кифоя.

Тошкентда ҳукумат тарқатган чақириқларга кўра, энди нафақат, транспорт салонида, оралиқ ва охирги бекатларда, аҳоли гавжум бўлган ва кўп тўпланадиган жойларда «қолдириб кетган шубҳали буюмлар» кўзга ташланган тақдирда, балки, «давлат сиёсатига қарши сўзлар»ни эшитган ва ёки «шунга гумон қилинган» тақдирда тегишли телефонга қўнғироқ қилиш шарт бўлади.

Шу ўринда «давлат сиёсатига қарши сўз»нинг таърифи келтирилмаган, буни ҳар ким ўзича йўйиши, бундан ҳам ташқари истаган одамидан «гумон қилиши» мумкин.

Энди бир автобус одамнинг тегишли жойга бориб бир бирини чақишини тасаввур қилинг. Тирик жон нималарни гапирмайдию, нималарни гумон қилмайди…

Рассом Туз
Eltuz.com