Odam gavjum joylarda gumoningiz kimdan?

Endilikda O‘zbekistonda ayg‘oqchilik qilish uchun SNBa yollanish shartmas, aholi ko‘p to‘plangan joylarda biror odamning davlatga qarshiligidan gumoningiz bo‘lsa kifoya.

Toshkentda hukumat tarqatgan chaqiriqlarga ko‘ra, endi nafaqat, transport salonida, oraliq va oxirgi bekatlarda, aholi gavjum bo‘lgan va ko‘p to‘planadigan joylarda «qoldirib ketgan shubhali buyumlar» ko‘zga tashlangan taqdirda, balki, «davlat siyosatiga qarshi so‘zlar»ni eshitgan va yoki «shunga gumon qilingan» taqdirda tegishli telefonga qo‘ng‘iroq qilish shart bo‘ladi.

Shu o‘rinda «davlat siyosatiga qarshi so‘z»ning ta'rifi keltirilmagan, buni har kim o‘zicha yo‘yishi, bundan ham tashqari istagan odamidan «gumon qilishi» mumkin.

Endi bir avtobus odamning tegishli joyga borib bir birini chaqishini tasavvur qiling. Tirik jon nimalarni gapirmaydiyu, nimalarni gumon qilmaydi…

Rassom Tuz
Eltuz.com