Бош вазир СЭС ходимларини бўқ йиғишга буюрди

Фарғонада одамлар СЭС ходимларининг ҳожатхона ва молхоналарни тозалиги бахона аҳолидан гўнг талаб қилишаётганидан норози. Улар буни гўнгдан уйларнни иситиш учун таппи тайёрлашлари билан изоҳлашади.

Бу ҳақда хабар берган Озодлик радиосига кўра, чиройли иш кийимидаги шифокор ва ҳамширалар маҳалла посбонлари билан биргаликда уйма-уй юриб, одамлардан камида икки қопдан гўнг беришни илтимос қилишмоқда.

“Наҳотки Бош вазирнинг куни аҳоли тезагига қолган бўлса, дўхтирларнинг гўнг тиланиб юриши жуда ачинарли кўринар экан» дейди воқеа гувоҳларидан бири.

Расмийларга кўра, Бош вазир Мирзиёев топшириғига кўра, ҳар икки дўхтир ёки ҳамширага биттадан маҳалла посбони биркитилган бу ҳақда вилоят ҳокимининг қарори бор.

Ушбу ҳужжатга асосан, СЭС ходимлари аҳоли молхона ва ҳожатхоналари дезинфекциясини амалга оширишлари, олинган ахлатни эса фуқаролар йиғинига етказиб беришлари лозим.

Eltuz.com айни ҳолатни рассом Kirpi чизган ҳажвий сурат орқали тақдим этади.

Рассом Кирпи
Eltuz.com