Яккабоғда деҳқонларнинг буғдойи тортиб олинмоқда

Бир ҳафтадан буён Яккабоғ туманининг Самоқ, Бешкапа, Мунжир, Новқишлоқ, Ширинбулоқ, Сероб қишлоқларида яшайдиган аҳолининг лалми ерда етиштирган буғдойи маҳаллий ҳокимият томонидан зўравонлик билан ўриб олиняпти.

Рассом Элсеварнинг Eltuz.com нашрига жўнатган янги ҳажвий сурати айни шу муаммони ўзида акс эттирган.

Халқнинг лалми ерларда етиштирган буғдойига милиция ходимларининг қаттиқ назорати остида комбайн солиняпти. Бундан норозилар эса вақтинчалик ҳибс қилиниб, буғдой ўриб олингандан сўнг қўйиб юбориляпти.

Бу ҳақда хабар берган Озодлик радиоси, ҳокимият бу иш учун қирққа яқин милиция ходими ва олтита комбайн ташлагани ҳақида ёзади.

Деҳқонлар ҳокимиятдан ҳеч қачон бунчалик зулм кўрмаганини айтишмоқда.

Рассом Элсевар
Eltuz.com