«Ҳар баҳорда доллар ошади…»

Ўн минг сўмлик купюра чиқиши ҳақидаги гаплар ортидан ўтган ҳафтада АҚШ доллари нархи рекорд 7500 га кўтарилди.

Бу мавзу юзасидан ҳажвий расм йўллаган рассом Туз шоир Ҳамид Олимжоннинг баҳор ҳақидаги машҳур шеърига пародия ҳам басталади.

Хамёнларин безаб даллоллар
Тонгда айтди доллар нархини,
Даллол қурғур келиб илк саҳар
Олиб кетди сўмнинг барини.

Ҳар баҳорда шу бўлар такрор,
Доллар курси ошиб кетади,
Қанча тиришсам ҳам у беор
Доллар мени алдаб кетади.

Мана сенга олам-олам пул,
Этагингга тўлганича ол,
Бунда сўмлар ҳар нарсадан мўл,
Бир умрга конверт бўлмаган
сўмлари бор шу ўлкада қол.

Рассом Туз
Eltuz.com