Ўзбек ва тожик рахбарининг Риëддаги учрашуви кўзларни қамаштирди

Ўзбекистон ва Тожикистон орасида мина майдонлари зарарсизлантирилмаган, визали бориш келиш бекор қилинмаган бўлса ҳам, икки давлат рахбарларининг Саудия Арабистонида бўлиб ўтган саммитдаги самимий муносабати шоëн диққатга сазовор бўлди.

«Дўстлик, бағрикенглик, олийжаноблик, меҳр оқибат, самимийликка нима етсин! Ахир биз мусурмон халқмиз! Дўстликлари абадий бўлсин илоҳим, кўз тегмасин!!!!» дея ёзди Фейсбук юзери Бахор Мавлонавна.

Nodir Utkir бўлса, Каримов даврида қўшнилар билан муносабатнинг ёмонлашганидан ёзғирди:

«Каримов кушни давлатлар билан муносабатни яхшилашни истамади. Унинг замонида факат каримовнинг фикри тугри эди. Шунча муаммо борлигини мана Мирзиеев тан олди ва муаммоларни худо хохласа ечимини топади».

Тожик ва ўзбек президентларининг бири-бирини бағрига босаётганини кўриб Анжела Зияева ҳам ўз ҳиссиётларини яшира олмади. Унинг бутун умиди Ўзбекистон ва Тожикистон ўртасидаги визанинг бекор қилинишидан:

«Виза бекор килинса. Оножонимни холларидан хавар олиб навараларини курадилар опа-сингилларнинг болаллари хам бир-бирини танийди дуне тургунча яшанг. Хурматли Призидентимиз» (орфографика сақланди. Таҳр.)

Эмомали Раҳмон Шавкат Мирзиëевни, ҳудди Брежнев ГДР раҳбари Хонекерни қучоқлагандек, бағрига босгани рассом Тузнинг ҳам назарига тушди.

«Ўтган йили ўлган Ўзбекистон президентининг Тожикистон президентига муносабати қанчалик совуқ бўлса, янги ўзбек раҳбари Шавкат Мирзиëевнинг Эмомали Раҳмонга муносабати шунчалик оташин!» демоқда рассом Туз.

Рассом Туз
Eltuz.com