O‘zbek va tojik raxbarining Riëddagi uchrashuvi ko‘zlarni qamashtirdi

O‘zbekiston va Tojikiston orasida mina maydonlari zararsizlantirilmagan, vizali borish kelish bekor qilinmagan bo‘lsa ham, ikki davlat raxbarlarining Saudiya Arabistonida bo‘lib o‘tgan sammitdagi samimiy munosabati shoën diqqatga sazovor bo‘ldi.

«Do‘stlik, bag‘rikenglik, oliyjanoblik, mehr oqibat, samimiylikka nima yetsin! Axir biz musurmon xalqmiz! Do‘stliklari abadiy bo‘lsin ilohim, ko‘z tegmasin!!!!» deya yozdi Feysbuk yuzeri Baxor Mavlonavna.

Nodir Utkir bo‘lsa, Karimov davrida qo‘shnilar bilan munosabatning yomonlashganidan yozg‘irdi:

«Karimov kushni davlatlar bilan munosabatni yaxshilashni istamadi. Uning zamonida fakat karimovning fikri tugri edi. Shuncha muammo borligini mana Mirzieev tan oldi va muammolarni xudo xoxlasa yechimini topadi».

Tojik va o‘zbek prezidentlarining biri-birini bag‘riga bosayotganini ko‘rib Anjela Ziyaeva ham o‘z hissiyotlarini yashira olmadi. Uning butun umidi O‘zbekiston va Tojikiston o‘rtasidagi vizaning bekor qilinishidan:

«Viza bekor kilinsa. Onojonimni xollaridan xavar olib navaralarini kuradilar opa-singillarning bolallari xam bir-birini taniydi dune turguncha yashang. Xurmatli Prizidentimiz» (orfografika saqlandi. Tahr.)

Emomali Rahmon Shavkat Mirziëevni, huddi Brejnev GDR rahbari Xonekerni quchoqlagandek, bag‘riga bosgani rassom Tuzning ham nazariga tushdi.

«O‘tgan yili o‘lgan O‘zbekiston prezidentining Tojikiston prezidentiga munosabati qanchalik sovuq bo‘lsa, yangi o‘zbek rahbari Shavkat Mirziëevning Emomali Rahmonga munosabati shunchalik otashin!» demoqda rassom Tuz.

Rassom Tuz
Eltuz.com