Мирзиёев судьяларни савалади

Президент Мирзиёев 13 июн кунги йиғилишида судьяларнинг порахўрлигини кескин танқид қилди.

«Дўкон эмаску бу, бир соатда юз доллар, икки соатда 400 доллар келтирадиган!» деди Мирзиёев туман судьясининг пора билан қўлга олинганини мисол келтириб.

Шунингдек, президент охирги йилларда қарийб 50 нафар судья жиноий жавобгарликка тортилгани, сўнгги олти ой ичида эса 7 судья жиноятга қўл урганини санаб ўтди.

Мирзиёвнинг қайд этишича, 2016 йилда 3700 нафар шахсга нисбатан суд қарорлари бекор қилинган, ёки ўзгартирилиб 1362 нафар фуқаронинг жазоси камайтирилган.

Президент йиғилишда Ўзбекистонда адлия тизими ҳаддан ташқари коррупцияга ботганини эътироф этди.

«Буни томири билан узишга ҳаракат қилаяпмиз, лекин бу оғир бўлаяпти» деди у.

Рассом Туз
Eltuz.com