Mirziyoev sudyalarni savaladi

Prezident Mirziyoev 13 iyun kungi yig‘ilishida sudyalarning poraxo‘rligini keskin tanqid qildi.

«Do‘kon emasku bu, bir soatda yuz dollar, ikki soatda 400 dollar keltiradigan!» dedi Mirziyoev tuman sudyasining pora bilan qo‘lga olinganini misol keltirib.

Shuningdek, prezident oxirgi yillarda qariyb 50 nafar sudya jinoiy javobgarlikka tortilgani, so‘nggi olti oy ichida esa 7 sudya jinoyatga qo‘l urganini sanab o‘tdi.

Mirziyovning qayd etishicha, 2016 yilda 3700 nafar shaxsga nisbatan sud qarorlari bekor qilingan, yoki o‘zgartirilib 1362 nafar fuqaroning jazosi kamaytirilgan.

Prezident yig‘ilishda O‘zbekistonda adliya tizimi haddan tashqari korruptsiyaga botganini e'tirof etdi.

«Buni tomiri bilan uzishga harakat qilayapmiz, lekin bu og‘ir bo‘layapti» dedi u.

Rassom Tuz
Eltuz.com