„Мен кўнгилли равишда пахтага кетаман“

2017 йилги пахта мавсуми кенг миқёсдаги давлат муассасалари ходимларидан «кўнгилли равишда пахта теримида қатнашиш» тилхатини ёздириб олиш талаби билан фарқланади.

Ўзбекистон вилоятларидаги бир қанча ходимларнинг сўзларига кўра, пахта теримига жўнаш арафасида, улардан «кўнгилли тарзда пахта теримига чиқаётганини тасдиқловчи тилхат» ёзиб беришни талаб қилишган.

Айрим ҳолатларда, муассаса ходимларининг йиғилишларида, гўёки улар пахта терими мавсумида иштирок этиш ташаббуси билан чиқишгани, пахтани ёмғирли кунларга қолдирмасдан териб олишда давлатга ёрдам бериш истаги ҳақидаги коллектив қарори қабул қилинади.

Шу муносабат билан савол туғилади: Кўнгилли ходим учун бу каби тилхатни ёзишнинг нима кераги бор? Бу кимга ва нима учун керак?

Рассом Туз
Eltuz.com