Андижон валюта қорабозорида 40 одам ушланди

Андижон шаҳрида 26 сентябр куни кучишлатар тизим ходимлари ноқонуний валюта савдоси бўйича рейд ўтказди.

«Ўша куни камида 40 та одамни ушлаб кетишди», деди «Элтуз» мухбири сухбатлашган қора бозор даллоли.

Рейдда қўлга тушганганларнинг олди-сотти қилган пуллари тортиб олиниб, устамасига жарима ҳам солинмоқда.

«Улар судга қатнаб юришибди. Биринчи гал ушланганлар энг кам иш ҳақининг 3 бараваригача, кейин кўпроқ жарима тўлайди. Учинчи бор қўлга тушса қамаларкан» деди «Элтуз» мухбири сухбатдоши.

Президент Мирзиёевнинг 5 сентябрдан валютани эркин савдосини йўлга қўйиш ҳақидаги фармонидан сўнг, валютафурушларга қарши рейдлар кучайди.

Долларнинг расмий курси икки баробар ошди, аммо қорабозор фаолияти тўхтагани йўқ

«Қорабозор хамон ишлаяпти. Чунки банклар нақд пуд бермайди», деди 28 сентябр куни бозорда бўлган «Элтуз» суҳбатдоши.

Унинг билдиришича, Андижон бозорида шу бугун доллар 8060 дан олиниб 8120 сўмга сотилмоқда.

Айни пайтда, Бош вазир Абдулла Арипов 1 октябрдан чет эл валютасини нақд савдога чиқишини билдирган.

Рассом Туз
Eltuz.com