МХХнинг собиқ раиси Иноятов президент маслаҳатчиси бўлди

МХХнинг собиқ раиси Рустам Иноятов президентнинг сиёсий-ҳуқуқий масалалар бўйича давлат маслаҳатчиси этиб тайинланган.

Ўзбекистон президентининг МХХ ва прокуратура ходимлари иштирокида 31 январь куни ўтказган селектор йиғилишида Иноятов ишдан бўшатилган, унинг ўрнига шу вақтгача Бош прокурор бўлган Ихтиёр Абдуллаев тайинланган эди.

1995 йилнинг 26 июнидан бери Ўзбекистон МХХ раиси лавозимини эгаллаб келган 74 ёшли Рустам Иноятовнинг мавқеи Каримов ўртадан кетиши билан заифлашгани ҳақида «Элтуз» 2016 йилда ëзган эди.

2016 йил 27 августигача, яъни Каримовнинг миясига қон қуюлгунига қадар, Ўзбекистоннинг сўнгги 25 йили давомидаги мутлақ раҳбари Ислом Каримовгагина бўйсуниб келган МХХ идораси ва унинг раиси қўлида асосий бошқарув ричаги қолгани, «Элтуз» суҳбатлашган мулозимларга кўра, Мирзиëев хавотирига сабаб бўлган.

Ҳозирда ишдан олинган Рустам Иноятов нафақат КГБ/МХХ, балки мустақил Ўзбекистон ҳокимият тизимлари тарихида ўз курсисида энг узоқ ўтирган амалдор сифатида тарихда қолди.

Eltuz.com