Наманганда 36 одам хасипдан заҳарланди

Наманганнинг Косонсой туманида 5 февраль куни 36 киши хасипдан заҳарланиб шифохонага ётқизилди.

Соғлиқни сақлаш вазирлиги тарқатган хабарга кўра, улар 4 февраль куни Косонсой марказий деҳқон бозорида «номаълум шахс томонидан уй шароитида тайёрланган кала-поча гўшти ва хасип таоми»ни истеъмол қилишган.

Ўзбекистонда одамларнинг озиқ-овқат маҳсулотларидан оммавий заҳарланиши сўнгги йилларда тез-тез учрамоқда.

Ўтган йилнинг ноябрь ойида эшак гўштидан тайёрланган колбасалар шов-шувга сабаб бўлган эди.

Май ойида эса Андижоннинг Шаҳрихон туманида юзлаб одам сифатсиз музқаймоқдан заҳарланган эди.

Рассом Кирпи
Eltuz.com