Эрдўғон: «Ўртамизда бирор тош бўлса, йўқ қиламиз!»

Туркия президенти Ражаб Тоййиб Эрдўғон 30 апрель кунги ташрифи чоғида сўзлаган нутқида Ўзбекистонни ўз ота юрти дея таърифлади.

«Ота юртим Ўзбекистонда бўлганимдан жудаям бахтиёрман!», «Дўстинг билан қўлдош бўл!», «Ўртамизда неки тош бўлса, йўқ қиламиз!» деди турк президенти ўз нутқида.

Иқтисодининг юксаклиги жиҳатидан Туркиянинг дунёда иккинчи ўринда туришини писанда қиларкан, икки давлат ўртасидаги ҳамкорлик натижасида Ўзбекистон Осиёни Европа билан боғлайдиган муҳим марказга айланишини айтди.

Расмий хабарларга кўра, Кўксаройда бўлиб ўтган музокаралардан сўнг 25 та ҳужжат имзоланган, 3 миллиард долларлик келишувларга эришилган.

«Туркия – буюк турк миллатларининг ватани бу! Биз энди бирлашишимиз шарт! Орамизга қандайдир ишончсизлик, совуқлик тушиб қолган эди. Лекин икковимиз бир бўлиб бу музларни эритдик ва бу муз энди ҳеч қачон бўлмайди!» деди Мирзиёев.

Рассом Туз илк бор қардошининг ҳақиқий сиёсий нутқини эшитган ўзбеклар расмини чизди.

Рассом Туз
Eltuz.com