Иккала тараф ҳам мен учун ёқимсиз!

Нақадар аччиқки, большевиклар инқилобидан буён топталиб келинган ва эндигина қаддини тиклаган жафокаш ўзбек тили тағин оёқости қилинди ва бундан чиркин бир йўсинда фойдаланилди.

Ўтган тарихида халқига, унинг тилига тупуришни истаган, ҳар қандай ҳукмдор қаршисида етти букилувчи калтабин амалдор тағин яна бир бор ўзбек тилига оғзини тўлдириб тупуриш учун турли тешиклардан судралиб чиқа бошлаган жирканч шовинистлар томонидан ишлатилди.

Мен бу постни рус тилида ёздим, чунки униси ҳам, буниси ҳам рус тилида мулоқот қилади ва фикрлайди. Ўзбек тилини ўз ҳолига қўйинг! Ўзининг касбига нолойиқлигини оқлаш учун «тил қартаси» ортига беркинган амалдорлар ва ҳамиша ҳар қандай мавзу бўйича ўзини сиқувга олинган «жабрдийда» кўрсатиб ғазабланишдан лаззатланувчи шовинистлар.

Қўрс, нодон амалдорлар, ўз сотқинлигингиз ва малакасизлигингизни яшириш учун тил ва тарих мавзусига «ширапашша» бўлишга ҳатто интилманг ҳам. Сиз шовинистлар эса ҳеч ким ўзингизни камситмаётгани ва ҳамиша ўзларингиз беписандлик билан ўзбек тилининг мавжудлигини инкор этишда давом этаётганинингизни яхши биласиз. Сизлар ҳам мамлакатни ҳозирги аҳволга келтирган ҳукмдор қаршисида турфа шаклда товланиб букилган тоифасисиз. Ҳар иккала тараф ҳам мен учун ёқимсиз!

Умида Ҳақназар
блоги таржимаси
Рассом Кирпи
Eltuz.com