Ikkala taraf ham men uchun yoqimsiz!

Naqadar achchiqki, bolsheviklar inqilobidan buyon toptalib kelingan va endigina qaddini tiklagan jafokash o‘zbek tili tag‘in oyoqosti qilindi va bundan chirkin bir yo‘sinda foydalanildi.

O‘tgan tarixida xalqiga, uning tiliga tupurishni istagan, har qanday hukmdor qarshisida yetti bukiluvchi kaltabin amaldor tag‘in yana bir bor o‘zbek tiliga og‘zini to‘ldirib tupurish uchun turli teshiklardan sudralib chiqa boshlagan jirkanch shovinistlar tomonidan ishlatildi.

Men bu postni rus tilida yozdim, chunki unisi ham, bunisi ham rus tilida muloqot qiladi va fikrlaydi. O‘zbek tilini o‘z holiga qo‘ying! O‘zining kasbiga noloyiqligini oqlash uchun «til qartasi» ortiga berkingan amaldorlar va hamisha har qanday mavzu bo‘yicha o‘zini siquvga olingan «jabrdiyda» ko‘rsatib g‘azablanishdan lazzatlanuvchi shovinistlar.

Qo‘rs, nodon amaldorlar, o‘z sotqinligingiz va malakasizligingizni yashirish uchun til va tarix mavzusiga «shirapashsha» bo‘lishga hatto intilmang ham. Siz shovinistlar esa hech kim o‘zingizni kamsitmayotgani va hamisha o‘zlaringiz bepisandlik bilan o‘zbek tilining mavjudligini inkor etishda davom etayotganiningizni yaxshi bilasiz. Sizlar ham mamlakatni hozirgi ahvolga keltirgan hukmdor qarshisida turfa shaklda tovlanib bukilgan toifasisiz. Har ikkala taraf ham men uchun yoqimsiz!

Umida Haqnazar
blogi tarjimasi
Rassom Kirpi
Eltuz.com