Мажбурий меҳнатни қоралаган ректор пахта теришга чиқди

Ижтимоий тармоқда Журналистика университети ректори, Халқаро пресс-клуб раиси Шерзод Қудратхўжаевнинг пахта тераётгани акс этган фотосуратлар пайдо бўлди.

Биринчи расмда икки талаба этаги тўла пахта, Қудратхўжаевники эса бўм-бўш. Иккинчи расмда эса Қудратхўжаев этагидаги пахтани тўкмоқда.

Ижтимоий тармоқ блогерлари эътиборини орқа пландаги чодир ёнидаги ҳашаматли ресторан стол-стуллари тортди.

Бундан роппа роса бир йил бурун, 2017 йилнинг октябрида Шерзод Қудратхўжаев пахта далаларида ўқитувчилар ва талабаларни пахта теримига чиқарган ҳокимларни кескин танқид қилган:

“Бугунги кун Ўзбекистоннинг ҳар қандай кўринишдаги мажбурий меҳнат ва болалар меҳнатига қатъий равишда “Йўқ!” дегани ҳал қилувчи ўрин тутади. Ўзбекистон инсон ҳуқуқларига риоя этадиган ва уни ҳурмат қиладиган мамлакатлар қаторига кирди”, – деган эди.

Рассом Кирпи
Eltuz.com