Улар буни сайлов деб ўйлашади!

22 декабрда Ўзбекистон Олий Мажлиси Қонунчилик палатаси ва маҳаллий кенгашларига сайлов бўлиб ўтади.

Шу куни расмий равишда рўйхатга олинган бешта сиёсий партиядан 150 нафар депутат сайланиши лозим. Бу президент Шавкат Мирзиёев даврида ўтаётган илк парламент сайловидир. 

Бўлажак депутатлар ва уларни қўллаб-қувватловчи аъзолар ўз партиялари рамзи туширилган шарфларга ўраниб, мамлакатда сайлов кампанияси ўтаётганини астойдил исботлашга уринишмоқда. 

Ўзбекистондаги сайлов ҳақиқийсидан нимаси билан фарқ қилади? Иқтидордаги ҳокимиятга сиёсий мухолифатнинг йўқлиги билан. Демократик сайлов ғояси мамлакат тепасидаги ҳукуматга муқобил, уни бошқаришга талабгор сиёсий рақобатнинг мавжудлигига асосланган.   

Ўзбек депутатлари ўртасидаги сайлов пойгаси эса ҳозирча бир жойда туриб депсинишни эслатмоқда. 

Eltuz.com