Ular buni saylov deb o‘ylashadi!

22 dekabrda O‘zbekiston Oliy Majlisi Qonunchilik palatasi va mahalliy kengashlariga saylov bo‘lib o‘tadi.

Shu kuni rasmiy ravishda ro‘yxatga olingan beshta siyosiy partiyadan 150 nafar deputat saylanishi lozim. Bu prezident Shavkat Mirziyoev davrida o‘tayotgan ilk parlament saylovidir. 

Bo‘lajak deputatlar va ularni qo‘llab-quvvatlovchi a'zolar o‘z partiyalari ramzi tushirilgan sharflarga o‘ranib, mamlakatda saylov kampaniyasi o‘tayotganini astoydil isbotlashga urinishmoqda. 

O‘zbekistondagi saylov haqiqiysidan nimasi bilan farq qiladi? Iqtidordagi hokimiyatga siyosiy muxolifatning yo‘qligi bilan. Demokratik saylov g‘oyasi mamlakat tepasidagi hukumatga muqobil, uni boshqarishga talabgor siyosiy raqobatning mavjudligiga asoslangan.   

O‘zbek deputatlari o‘rtasidagi saylov poygasi esa hozircha bir joyda turib depsinishni eslatmoqda. 

Eltuz.com