Рассом Туз: МТРКдан «Зиг Хайл!!!»

Ўзбекистон телерадиокомпанияси ТВ катта муҳаррири Муҳиддин Сулаймонов Гитлер фашизми тарафдори эканлигини ëзиб чиқди.

У ўзининг ижтимоий тармоқдаги саҳифасида Гитлер суратини жойлаб: «Бу одам яхши иш қилган экан,» деб ëзди.

У жойлаган суратга илова қилинган матнда ирқчилик, геноцид ва антисемитзм олқишланган.

Бундан олдин ЎЗ МТРКнинг собиқ сухандони, ҳозир диний пропаганда билан шуғулланаëтган Абдукарим Мирзаев Гитлерни улуғлаб пост қолдирганди.

Элтуз сал олдин Ўзбекистон Миллий Телерадиокомпанияси (МТРК) тизимидаги коррупция кўлами ҳақида ëзганди.

Аммо Ўзбекистон аҳолиси фикру ўйини шакллантиришни мақсад қилган бу идорадаги журналистларнинг Ўзбекистон конституцияси ва қонунларида қораланган ирқчилик ва фашизмннг очиқ тарафдори экани ҳақидаги бу факт бизни таажжубга солди.

Безбетларча фашизм доҳийси Гитлерни ëқлаб чиққан редактор Муҳиддаин Маҳмуджонович Ўзбекистон Миллий Университетини хатм қилган экан.

Демак, бу плинтусдан паст ирқчи университетда тарих дарсини ўқимаган. Яна ҳам тўғрироғи Университетнинг ўзида ўқитиш билан муаммо бор.

Элтуз таҳририятини фашизм тарғиботчисининг МТРК таркибига қандай кириб қолди деган савол қизиқтиради.

Элтузга маълум бўлишича, МТРК маиший бузуқлик¸ таъмагирликни касб қилганлар билан бирга диний экстремизмни ëқлайдиган, Россия босқинчилигини оқлаб Путин ва Гитлерга сажда қиладиган маънавий тубан ва мавжуд конституция душманлари билан тўлган.

Айнан МТРКнинг вилоят тизими рахбарларидан бири ўз хисобчиси билан ТВ биносида бесоқолбозлик билан шуғуллангани учун қамалган эди. МТРКда ишлаган ўнлаб ходимлар турли йилларда порахўрлик, номусга тегиш, диний экстремизмда айбланиб жиноий жавобгарликка тортилган.