Навальний Алишер Усмоновни ёлғончиликда айблади (видео)

Россиялик мухолифатчи блогер Алексей Навальнийнинг фикрича, таги ўзбекистонлик бўлган миллиардер Алишер Усмонов турли йўллар билан пора берганини яширмоқчи.

Апрел ойининг бошида Алексей Навальний Россиялик ўзбек миллиардери Алишер Усмоновнинг бош вазир Медведевга совға қилган 5 миллиард рубллик қасри ҳақидаги «Он вам не Димон» филмини тақдим қилганди.

Навальныйга кўра бу қаср аслида Медведевга берилган порадир.

Миллиардер Усмонов бу иддаоси учун Навалныйни судга берган.

У бу қасрни синглиси Гулбахор Бурхонавага атаб қургани, унга кераги бўлмагач, ерларини кенгайтириш мақсадида айирбошлаганини иддао қилади.

Навальний бўлса, сўнгги видеомурожаатида россиялик миллиардер одамларни алдаётганини айтади.

Унинг иддаосига кўра, Алишер Усмонов Бош вазир ва ўзининг айбини беркитиш учун бу ёлғонни ўйлаб топган.

Видео: https://youtu.be/KatqX4QCrO0

Eltuz.com