Рашид Қодиров жиноий иши ортидан 21 шахс қамалгани очиқланди

Республика прокуратурасида ўтган 5 июнь кунги брифингда собиқ бош прокурор Рашид Қодировга қўзғатилган жиноят иши ортидан 21 шахс ҳибсга олингани очиқланди.

Брифингда қатнашган «Kun.uz» журналистининг Рашид Қодиров терговига оид саволига Уюшган жиноятчилик ва коррупцияга қарши курашиш бошқармаси бошлиғи ўринбосари Мақсуд Ўролов бундай жавоб берди:

«Тергов жараёнида Қодиров Рашид Ҳамидович томонидан лавозимга тайинлаш, шунингдек, раҳнамолик қилиш, пора олиш билан боғлиқ жиноят ҳолатлари аниқланган. Жиноят иши бўйича ҳозирда 24 нафар шахсга айблов эълон қилинган, шулардан 21 нафар шахсга нисбатан қамоққа олиш эҳтиёт чораси қўлланган.»

Собиқ бош прокурорнинг ҳибсга олингани ҳақида «Элтуз» нашри 2018 йилнинг 22 февралида хабар берган эди. Аввалига рад этилган бу маълумотни кейинчалик 24 февраль куни Бош прокуратура расман тасдиқлаган эди.

Eltuz.com