15 нафар ёш болаларни зўрлаган ўзбек педофили Россияда қўлга тушди

Ўзбекистондаги меҳрибонлик уйларини «реформа қилиш» ташаббускори бўлган Тоҳир Миржапаров 15 нафардан зиëд вояга етмаганларни ичириб, ҳушидан кетказиб, мунтазам зўрлаб келган.

У ўз шаҳвоний ҳаракатларини видеога ҳам олган.

Ëш ўғил болаларни зўрлаш ҳақида порнографик фильмлар суратга олиб, порнотижоратчиларга сотган. У зўрлаганлардан бири 14 ëшда бўлган. Россия педофиллари орасида «Дядя Тахир» номи билан танилган Ўзбекистон ватандоши Тоҳир Миржапаров Россия жазо қонунининг олти моддаси билан айбланмоқда. Прокурор унга умрбод қамоқ жазоси берилишини сўради.

Тоҳир Миржапаров Россияда меҳрибонлик уйларидаги етимларни зўрлаш ва улар иштирокида порнофильмлар олиш мақсадида «Чувашмультфильм» фирмасига коррупцион йўллар билан раҳбар бўлиб жойлашган.

«Чувашмултьфильм» базасида педофил порнороликлар ишлашни йўлга қўйган. Россия порно индустриясидаги «ўзбек порно» секциясини порно контентлар билан таъминлаган. Қўлга олинган пайтда полициячига 100 минг рубл пора бериб қутулиб кетмоқчи ҳам бўлган.

Гувоҳларга кўра, Тоҳир Миржапаров Ўзбекистондаги меҳрибонлик уйларида етимларни мунтазам зўрлаган ва пора эвазига ҳаммасини бости-бости қилиб келган. Ўзбекистонда йиққан терганлари асосида Россияга бориб «педофил бизнеси»ни ривожлантирган. Ўзбекистондаги етимхоналарда зўрланган етимларга «Агар чақсанг козёл, терпила бўласан» деб «понятка» жорий қилган.

«Поняткага риоя қилмаган» «козеллар» калтакланган. АҚШда яшовчи сиëсатшунос Рафаэл Сатторовнинг ëзишича, айнан Тоҳир Миржапаров бундан атиги 3 йил олдин Ўзбекистондаги меҳрибонлик уйларини ривожлантириш ташаббускори бўлган. Миржапаров етимларни зўрлаш, улар иштирокида фоҳишахона очиб, бой клиентларга бакорат сотиш ва педофил видео роликлар ишлаш ҳамда етимлар номига олинган квартираларни ўзлаштириб сотвориш билан шуғулланган.

Бир сўз билан айтганда Миржапаров етим бизнес билан шуғулланган.

Масжидларда ëш балоғатга етмаган қизларга уйланиш ошкора тарғиб қилинадиган қонунчиликда “педофил” деган модда бўлмаган ва «нолойиқ ҳатти ҳаракат» деган форточка асосида фалон соат кўча супуриш «жазоси» белгиланган Ўзбекистон педофиллар учун жаннат бўлиб қолмоқда.