15 nafar yosh bolalarni zo‘rlagan o‘zbek pedofili Rossiyada qo‘lga tushdi

O‘zbekistondagi mehribonlik uylarini «reforma qilish» tashabbuskori bo‘lgan Tohir Mirjaparov 15 nafardan ziëd voyaga yetmaganlarni ichirib, hushidan ketkazib, muntazam zo‘rlab kelgan.

U o‘z shahvoniy harakatlarini videoga ham olgan.

Ësh o‘g‘il bolalarni zo‘rlash haqida pornografik filmlar suratga olib, pornotijoratchilarga sotgan. U zo‘rlaganlardan biri 14 ëshda bo‘lgan. Rossiya pedofillari orasida «Dyadya Taxir» nomi bilan tanilgan O‘zbekiston vatandoshi Tohir Mirjaparov Rossiya jazo qonunining olti moddasi bilan ayblanmoqda. Prokuror unga umrbod qamoq jazosi berilishini so‘radi.

Tohir Mirjaparov Rossiyada mehribonlik uylaridagi yetimlarni zo‘rlash va ular ishtirokida pornofilmlar olish maqsadida «Chuvashmultfilm» firmasiga korruptsion yo‘llar bilan rahbar bo‘lib joylashgan.

«Chuvashmultfilm» bazasida pedofil pornoroliklar ishlashni yo‘lga qo‘ygan. Rossiya porno industriyasidagi «o‘zbek porno» sektsiyasini porno kontentlar bilan ta'minlagan. Qo‘lga olingan paytda politsiyachiga 100 ming rubl pora berib qutulib ketmoqchi ham bo‘lgan.

Guvohlarga ko‘ra, Tohir Mirjaparov O‘zbekistondagi mehribonlik uylarida yetimlarni muntazam zo‘rlagan va pora evaziga hammasini bosti-bosti qilib kelgan. O‘zbekistonda yiqqan terganlari asosida Rossiyaga borib «pedofil biznesi»ni rivojlantirgan. O‘zbekistondagi yetimxonalarda zo‘rlangan yetimlarga «Agar chaqsang kozyol, terpila bo‘lasan» deb «ponyatka» joriy qilgan.

«Ponyatkaga rioya qilmagan» «kozellar» kaltaklangan. AQShda yashovchi siësatshunos Rafael Sattorovning ëzishicha, aynan Tohir Mirjaparov bundan atigi 3 yil oldin O‘zbekistondagi mehribonlik uylarini rivojlantirish tashabbuskori bo‘lgan. Mirjaparov yetimlarni zo‘rlash, ular ishtirokida fohishaxona ochib, boy klientlarga bakorat sotish va pedofil video roliklar ishlash hamda yetimlar nomiga olingan kvartiralarni o‘zlashtirib sotvorish bilan shug‘ullangan.

Bir so‘z bilan aytganda Mirjaparov yetim biznes bilan shug‘ullangan.

Masjidlarda ësh balog‘atga yetmagan qizlarga uylanish oshkora targ‘ib qilinadigan qonunchilikda “pedofil” degan modda bo‘lmagan va «noloyiq hatti harakat» degan fortochka asosida falon soat ko‘cha supurish «jazosi» belgilangan O‘zbekiston pedofillar uchun jannat bo‘lib qolmoqda.