Зеленский: “Украинанинг ҳеч бир ҳудуди Россияга берилмайди”

Европа Иттифоқи етакчилари саммити олдидан Украина президенти шунингдек, россияликлар фуқаролик инфратузилмаларига ҳужум қилишда давом этаётгани, болалар боғчалари, мактаблар ва тинч аҳолига зарба бераётганини таъкидлади:

“Бу шуни англатадики, биз нафақат Европа ва АҚШ билан бирга ҳимояланишимиз, балки урушни тўхтатиш учун Путинга босим ўтказишимиз керак. Трампнинг энергия ва санкциялар бўйича қарори – бу биз кутган нарса эди” деди жумладан Зеленский.

Бир кун аввал Зеленский Швеция қироллигида расмий қабул қилинди. Швеция шунингдек Украинага  Gripen E қирувчи учоқларини етказиб бериш юзасидан ҳужжатни имзолади.

Бельгия ҳукумати эса Украинага F-16 қирувчи учоқларини етказиб беришини билдирди.

Ўз навбатида Трамп Будапештда режаланган Путин билан учрашув режасини бекор қилди. 

Бу бир фойдасиз қарор бўлганини билдирди Америка президенти. 

Ниҳоят Европа Иттифоқи Россияга қарши 19 жазо санкциялари пакетини имзолади.

Унда жумладан Россиядан сиқилган табиий газ ҳаридига тақиқ, Россия дипломатларининг ЕИ ҳудудида ҳаракатланишига чекловлар, Россиянинг учинчи давлатлардаги банклари, ширкатлари ва кемалари ҳаракатига оид чекловлар ўрин олган.