Zelenskiy: “Ukrainaning hech bir hududi Rossiyaga berilmaydi”

Yevropa Ittifoqi yetakchilari sammiti oldidan Ukraina prezidenti shuningdek, rossiyaliklar fuqarolik infratuzilmalariga hujum qilishda davom etayotgani, bolalar bog‘chalari, maktablar va tinch aholiga zarba berayotganini ta'kidladi:

“Bu shuni anglatadiki, biz nafaqat Yevropa va AQSh bilan birga himoyalanishimiz, balki urushni to‘xtatish uchun Putinga bosim o‘tkazishimiz kerak. Trampning energiya va sanktsiyalar bo‘yicha qarori – bu biz kutgan narsa edi” dedi jumladan Zelenskiy.

Bir kun avval Zelenskiy Shvetsiya qirolligida rasmiy qabul qilindi. Shvetsiya shuningdek Ukrainaga  Gripen E qiruvchi uchoqlarini yetkazib berish yuzasidan hujjatni imzoladi.

Belgiya hukumati esa Ukrainaga F-16 qiruvchi uchoqlarini yetkazib berishini bildirdi.

O‘z navbatida Tramp Budapeshtda rejalangan Putin bilan uchrashuv rejasini bekor qildi. 

Bu bir foydasiz qaror bo‘lganini bildirdi Amerika prezidenti. 

Nihoyat Yevropa Ittifoqi Rossiyaga qarshi 19 jazo sanktsiyalari paketini imzoladi.

Unda jumladan Rossiyadan siqilgan tabiiy gaz haridiga taqiq, Rossiya diplomatlarining YeI hududida harakatlanishiga cheklovlar, Rossiyaning uchinchi davlatlardagi banklari, shirkatlari va kemalari harakatiga oid cheklovlar o‘rin olgan.