Озарбайжон НАТО стандартига ўтмоқда, бу имкон Ўзбекистонда ҳам бор 

Илгари Россия қурол аслаҳаларидан фойдаланиб келган Озарбайжон армияси НАТО стандартларига ўтказилмоқда. Бундай имконият Ўзбекистонда ҳам бор. 

Бу эса эндиликда НАТОга  аъзо давлатлар – АҚШ, Германия, Франция, Буюк Британиядан қурол сотиб олишдан; Армиядан Россия ҳарбий техникаларини босқичма-босқич сиқиб чиқаришни; Шахсий таркибни Ғарб жиҳозларида ўқитишни англатади.

«Боку Туркия армияси ва альянснинг бошқа мамлакатлари ҳарбий идоралари билан яқин ҳамкорлик қилмоқда. Озарбайжон ўз ерларини ишғолдан озод қилганидан бери ўз асосий мақсадига эришди», — деди Илҳом Алиев НАТО делегацияси билан учрашувда.

Август ойида — Россия билан муносабатлар ёмонлашгани фонида — Алиев Озарбайжон ҳар қандай вақтда урушга тайёр бўлиши кераклигини айтган эди: 

«Агар кимнингдир касал бошига Озарбайжонга қарши қандайдир провокация қилиш фикри келса, улар бундан пушаймон бўлишади» деди Озарбайжон президенти.

Айни пайтда Ўзбекистонда ҳам армияни замонавий НАТО тизимига оид қуролларга ўтказиш имконияти очиқ. 

Ҳозирги кунда Ўзбекистон Қуролли Кучларининг ҳарбий техникаси асосан собиқ совет ва Россияда ишлаб чиқарилган бўлсада,  сўнгги йилларда Ғарб давлатлари (АҚШ) ва Туркия, Хитой каби бошқа мамлакатларнинг замонавий техникалари ҳам киритилган.

Жумладан ўзбек армияси АҚШнинг ва Туркиянинг кўплаб ҳарбий транспортларига эга. 

Германия (Бундесвер)нинг Термиздаги ҳарбий базаси (2001-2015 йиллар) НАТОнинг транзит нуқтаси бўлиб хизмат қилган, бироқ Бундесвернинг ўзи Ўзбекистонга қанча миқдорда жанговар техника қолдиргани ҳақида Элтузда ҳозирча аниқ расмий маълумотлар йўқ.

Айни пайтда АҚШ миссияси томонидан Ўзбекистонга тақдим этилган ҳарбий техникалар рўйхати расман тасдиқланган.

Жумладан Афғонистондаги НАТО миссияси тугаганидан сўнг Ўзбекистонга асосан АҚШ Қуролли Кучлари томонидан катта миқдорда турли ҳарбий техникалар қолдирилган.

Хусусан Embraer 314, Super Tucano ҳарбий учоқлари, PC-12, C-208, AC-208 транспорт воситалари, UH-60 Black Hawk, Mi17 MD 530 жанговор вертолетлари шулар жумласидан

2024 йилда АҚШнинг Ўзбекистондаги элчиси ҳарбий техникаларнинг катта қисми Ўзбекистонда қолишини расман тасдиқлаган эди.