Ўзбек байроғини тешган икки ўқ

«Биз ҳақда» текинга мақола ëзилди

Одатда дунë етакчи матбуоти Ўзбекистон ҳақида ëзар экан мақола тагида махсус белгини кўрамиз. Бу пиар мақсадда пули тўланган мақола эканлигини билдиради. Бу газеталарни президент столига қўйган мулозимлар «мана биз ҳақда ëзишибди» дейишади, аммо давлат раҳбари бунинг «пул эвазига» чоп қилинган «махсус ижобий пиар» мақола эканини билавермайди. Дунë матбуотида текин мақола чиқиши учун архимухим сабаб керак. 2005 йил Андижон қирғини шундай сабаб бўлган энди. Мана феврал охирида дунë матбуоти Янги Ўзбекистон ҳақида текин мақола ëзадиган кунни ҳам кўрдик. 

Дунë сиëсати ва сармоя дунëсидаги энг йирик газета Financial Times Тошкента Алламжонов машинаси ўққа тутилгани билан боғлиқ сиëсий таҳлилни чоп қилди. Мақолага илова қилинган суратда  президент қизи Саида расми ҳам бор. Тахлилчилар президент бола бақрасининг сиëсий кураш йўлига кириб бир бири билан «уруш уруш» ўйнаганини ўлган президент Каримов ва  унинг қизи Гулнора қамалишига олиб келган интригалар билан параллел қилади. Мақола ташқи олам учун ëзилган ва асосан биз билган гаплар. Бу ерда ФТ ўша куннинг ўзидаëқ Комил билан боғланиб отишма манзараси ҳақида билгани қизиқ.

Financial Times  британияда чоп қилиниб ер юзида тарқаладиган ва  махсус юпқа сарғиш қоғозга босиладиган кунлик газета.  Ҳар куни ер юзидаги 34 шахарда босилиб тарқатилади. Энг қиммат учоқлар бортидаги бизнес класс йўлчилар столига ҳам қўйилади.