FITODIABETIC – ҚАНД КАСАЛИНИНГ МУТЛАҚ ДАВОСИ ЭМАС

Ўзбек медиясида янги «мўжизавий» дори рекламаси урчиди. Миллий драма театри актёрларидан тортиб, бит танимас блогерлар ҳам зўр бериб Фитодиабетик тақдим этган Диабет дамламасини реклама қилмоқда. 

Бу дамлама 2 миллион 200 минг сўм туради. Элтуз Фитодиабетик фирмаси билан боғланиб ноқулай саволларни қалаштирди. Олган жавобларимиз қисқа мазмуни эса қуйидагича:

1. Дамламанинг шифоли таъсири ҳеч қандай клиник текширувлар билан тасдиқланмаган;

2. Фитодиабетик фирмасининг юридик манзили ноаниқ;

3. Фирма савдо айланмаси ошкора эмас. Заҳардек қиммат дори савдосидан давлатга қанча солиқ келиб тушиши номаълум;

4. Дамлама рекламаларида Бальзак ёшидан ошган артис хотин-халаж, Пайғамбар ёшига етган ҳожакалар қатнашмоқда. Хўш, бу кампания учун ким катта маблағ тиккан? 

Медиани саралаш кўникмасига эга бўлмаган лўхлар эса қарз, кредит ҳавола қилиб диабет дамламани сотиб олаётир. Соғлиқни сақлаш вазирлиги бу борада бирор баёнот бермади. Балки катта реклама кампанияси уюштирган «тадбиркор» ва вазирлик орасида манфаатлар тўқнашуви бордир? 

Элтуз диабет беморларга эслатиб ўтишга масъул  ҳеч қайси фито дамлама қанд касалини йўқ қилиб юбормайди. Фақат комплекс ва мунтазам даво курслари олиб, қатъий диетага амал қилиш шарт.