O‘zbekiston pasportining obro‘si oshdi

Henley & Partners  xalqaro konsalting kompaniyasi tomonidan tuziladigan pasportlar nufuzi bo‘yicha jahon reytingida O‘zbekiston yuqori ildamladi. 

2025 yil yakunlariga ko‘ra, mamlakat avvalgi o‘rniga nisbatan birdaniga besh pog‘onaga ko‘tarilib, 105 davlat orasida 7 o‘rinni egalladi. O‘zbekiston fuqarolari 61 mamlakatga vizani oldindan rasmiylashtirmasdan yoki kelganidan keyin viza olish sharti bilan safar qilish imkoniyatiga ega bo‘ldi.

Bunda O‘zbekiston Kuba, Mozambik, Tojikiston va Turkmaniston kabi bir qator davlatlarni ortda qoldirdi. Henley  Passport Index dunyo mamlakatlari pasportlarini vizasiz kirish mumkin bo‘lgan yo‘nalishlar soniga qarab baholaydi. Reytingdagi yuqori o‘rin tegishli bo‘lgan mamlakat fuqarolari dunyo bo‘ylab erkin harakatlanishi mumkin.

Xuddi shu reytingning 2024 yilgi natijalariga ko‘ra, O‘zbekiston 80 o‘rinni egallagan edi.