“Erk” faoli Yusuf Ro‘zimurodov ozod etildi

19 yillik tutqunlikdan keyin «Erk» demokratik partiyasi faoli 54 yoshli jurnalist Yusuf Ro‘zimurodov 22 fevral kuni Chirchiq qamoqxonasidan ozod etildi.

Huquq himoyachilari jurnalistning Qashqadaryodagi o‘zi tug‘ilib o‘sgan qishlog‘ida ekanini xabar qilishdi.

O‘zbekiston «Erk» demokratik partiyasi faoli Yusuf Ro‘zimurodov 1999 yilning 15 martida Kievda hibsga olingan va o‘zbek hukumatiga topshirilgan edi.

O‘zbekistonda u uzoq muddat qamoqqa tashlanadi. So‘nggi yillarda e'lon qilingan amnistiyalar Yusuf Ro‘zimurodovga nisbatan qo‘llanilmagan.

«Eltuz» nashriga, shuningdek, 2014 yilda Ro‘zimurodovning jazo muddati tugagani, biroq O‘zbekiston hukumati tag‘in 3 yil qo‘shib bergani ma'lum.

Eltuz.com