Toshkentda yana bir tarixiy devoriy asar o‘chirildi

Poytaxtning Yunusobod tumani hokimi buyrug‘i bilan 12 iyul kuni, tumanning 11-dahasidagi, 17-uy devoriga ishlangan mozaika usti oqqa bo‘yaldi.

Bu devoriy asar 1966 yilgi Toshkent zilzilasidan so‘ng taniqli rassomlar Petr va Nikolay Jarskiylar tomonidan ishlangan edi. Vandalizm fakti haqida «Ozodlik» radiosi xabar tarqatdi.

Bundan ilgari, 25 iyunda «Eltuz» nashri O‘zbekiston xalq rassomi Bahodir Jalolovning Qo‘qon teatri devoriga ishlangan «G‘arb va Sharq uchrashuvi» deya nomlangan freskasi Qo‘qon shahri amaldorlari tarafidan bo‘yoq chaplangani haqida yozgan edi.

Bu asar ham rassomning vayron qilingan ilk asari emas. Shu yil boshida «Eltuz» nashri ayni rassomning «Dom kino»dagi freskasi ham prezident Shavkat Mirziyoevning buyrug‘i bilan yo‘q qilingandi.

Eltuz.com