«Buyuk kelajak» forumiga Karimov davri mulozimi Elyor G‘aniev boshchilik qildi

Toshkentda prezident huzuridagi Davlat boshqaruvi akademiyasida 5 fevral kuni «Buyuk kelajak» tashkiloti tashabbusi bilan «O‘zbekistan-2035» ikkinchi xalqaro forumi o‘z ishini boshladi.

Rasmiy matbuot xabarlariga ko‘ra, «Buyuk kelajak» ekspertlari O‘zbekistonni 2035 yilga qadar rivojlantirishning muhim yo‘nalishlari loyihasini taqdim qilishgan.

O‘zbekistondan xorijga chiqib ketgan vatandoshlarni mamlakatdagi islohotlarga jalb qilish maqsadida 2018 yilning 28 iyunida tashkil etilgan «Buyuk kelajak» nohukumat tashkiloti ekspertlar kengashi «Tokiodan San-Frantsiskogacha bo‘lgan hududlarda istiqomat qiluvchi 155 nafar vatandosh mutaxassisni birlashtirgani» iddao qilingan edi.

«Buyuk kelajak» tashkilotining bu yilgi tadbiri 28 yanvar kuni lavozimiga qayta tiklangan bosh vazir o‘rinbosari Elyor G‘aniev rahbarligi ostida o‘tdi.

Rassom Kirpi
Eltuz.com