Tarmoq “ehson ber”, deya qo‘shiqchilarning ëqasidan oldi

Ijtimoiy tarmoqning o‘zbek segmentida “Otarchilar, yo‘taling”, “Ozodbek, day million” degan chellenjlarga javoban “O‘zbekkontsert” davlat muassasasi axborot xizmati bildirgi chiqardi.

Bildirgida aytilishicha, karantin davrining ilk kunlaridan to shu kunga qadar O‘zbekiston xalq artistlari Ozodbek Nazarbekov, Yulduz Usmonova, Farruh Zokirov, Gulsanam Mamazoitova, O‘zbekistonda xizmat ko‘rsatgan artistlar Ulug‘bek Rahmatullaev, Mavluda Asalxo‘jaeva, Hosila Rahimova, Alisher Turdiev, Ziyoda Qobilova, rejissyor Sa'dulla Abdullaev hamda boshqa san'atkorlar tomonidan O‘zbekiston mehr-shafqat va salomatlik jamoat fondiga 200 million 500 ming so‘m hamda kam ta'minlangan oilalar va aholining boshqa yordamga muhtoj qatlami uchun 152 million so‘m, umumiy hisobda 352 million 500 ming so‘m xayriya mablag‘larini hadya qilingan.

O‘zbek qo‘shiqchilarining elga xayriya qilishi qadimdan kelaëtgan an'ana. Ulug‘ hofiz Komiljon Otaniëzov (1917 -1975) to‘ydan tushgan pullarga maktab, ko‘prik, bog‘cha qurdirgani minnatdor avlodlar tomonidan eslanadi. O‘zbek raqs san'ati asoschisi Tamaraxonim (1906 -1991) Ikkinchi jahon urushi davrida o‘zi ishlab topgan 300 ming sovet so‘mini tank zavodiga o‘tkazib bergan edi. Tank zavodi esa ustida “Tamarxonim” deb ëzilgan tank yasagandi.

Eltuz.com