Klara Tsetkin – 8 martdagi bayramni ixtiro qilgan ayol

Klara Tsetkin xotin-qizlar huquqlarini himoya qilish bo‘yicha faol kurashchi edi. Uning ismi Xalqaro xotin-qizlar kunini nishonlash bilan uzviy bog‘liqdir.

Germaniya va xalqaro sotsialistik va xotin-qizlar harakatining eng taniqli vakillaridan biri Klara Tsetkin 20-asr tarixiga nafaqat faol kommunist, balki Yevropa ayollar huquqlari harakati shakllanishida muhim rol o‘ynagan islohotchi sifatida kirdi.

Klara Tsetkin 1857 yilda Saksoniyaning Viderau shahridagi qishloq o‘qituvchisi oilasida tug‘ilgan. Leyptsig pedagogika gimnaziyasida o‘qiyotgan paytida u sotsial-demokratlarning maxfiy yig‘ilishlariga qatnay boshladi va 1878 yilda Sotsialistik ishchilar partiyasiga qo‘shiladi.

1892 yildan boshlab Klara Tsetkin ayollar uchun «Tenglik» gazetasini chiqara boshladi.

1910 yilda Kopengagenda sotsialistlar xalqaro konferentsiyasida Klara Tsetkinning taklifiga binoan, keyinchalik 1857 yil 8 martda Nyu-Yorkdagi to‘qimachilik korxonalarida ishchilar namoyishi yilligiga to‘g‘ri keladigan Xalqaro xotin-qizlar kunini nishonlashga qaror qilindi.

Aksariyat sobiq ittifoq mamlakatlarida bo‘lgani kabi O‘zbekistonda ham 8 mart – Xalqaro xotin-qizlar kuni avvaliga ayollarning munosib mehnat sharoitlari uchun kurashi sifatida qabul qilingan bo‘lsa-da, onalik va ayollik bag‘ishlangan gender bayramga aylandi.

Eltuz.com